ब्रेकिंग

युध्द पातळीवर मदतकार्य : मोहोळ

Wrutuja pandharpure
13 Jun 2025

पुणे : अहमदाबाद विमान दुर्घटनेत मोठ्या प्रमाणात बचाव कार्य सुरू आहे. विविध पातळ्यांवर मदत कार्य सुरू केले जात आहे. अहमदाबाद, दिल्ली विमानतळावर हेल्पलाईन सुरू करण्यात आली आहे. नागरी हवाई उड्डाण मंत्रालयातर्फेही हेल्पलाईन सुरू करण्यात आली आहे. हवाई उड्डाण मंत्रालयातर्फे गुजरात सरकारशी समन्वय साधला जात आहे. पंतप्रधान कार्यालयाचेही या घटनेकडे लक्ष असल्याची माहिती केंद्रीय नागरी हवाई उड्डाण राज्यमंत्री मुरलीधर मोहोळ यांनी दिली.

ही दुदैवी घटना आहे. प्रधानमंत्री कार्यालयाकडूनही समन्वय साधला जात आहे. घटनास्थळी जी जी मदत लागेल ती मदत केली जात आहे. नागरी विमान उड्डाण मंत्रालयाकडून मदत कक्ष सुरू करण्यात आला आहे. अपघातानंतर तातडीने या गृहमंत्री अमित शहा, नागरी विमान उड्डाण मंत्री राममोहन नायडू, या विभागाचे सचिव आणि मी आम्ही सर्व जण घटनास्थळी पोहचत आहोत. त्याआधी आमची बैठकही पार पडली आहे. राज्य सरकारतर्फे मदत कार्य सुरू झाली आहे. स्थानिक प्रशासन तेथे कार्य करत आहे. पंतप्रधान नरेंद्र मोदीचे या दुर्घटनेकडे संपूर्ण लक्ष असल्याचेही मोहोळ यांनी नमूद केले.

मदत कार्य आणि घटना स्थळी तातडीच्या उपाय-योजना करण्याबाबत वरिष्ठ पातळीवरून सूचना करण्यात आल्या आहेत. या दुर्घटनेत किती प्रवासी जखमी आहेत. काही प्रवासी मृत झाले आहेत. का? या प्रश्नांपैकी तातडीने मदतकार्य करणे, जखमींना योग्य उपचार देणे या गोष्टींना आम्ही प्राधान्य देत आहोत. मृत किंवा जखमीवर आताच भाष्य करणे योग्य नाही. विमानात बिघाड होता का? पायलटने काही संदेश दिला होता का? याबबतही नंतर चौकशी होईलच. मात्र त्याही आधी मदत आवश्यक आहे. सर्व अधिकृत माहितीसाठी थोडा वेळ लागेल. असेही मुरलीधर मोहोळ यांनी स्पष्ट केले.